《讀者請教》
我全職凑b同奶奶住，有幾點好困擾，大家有無呢個問題？謝謝。
1.bb未夠兩歲就成日話吾好分開煮俾bb食，大人食咩就食咩，大人食外賣都照俾佢食，我吾想，我一直堅持自己煮，而且奶奶吾俾我入廚房，佢煮野濃味吾岩小朋友，所以我都係自己煮的，奶奶就話成日獨立煮俾小朋友浪費金錢浪費煤氣浪費時間，我其寶只得呢個機會有得煮下野食，平時晚餐佢一定吾會俾我煮，而且我想bb食得健康啲，所以仲係我凑既話就盡力煮俾佢。
2.每次話過娘家或者出街，奶奶都好吾鐘意，仲話我地成日過，但一個月只過一至兩次，又話過親娘家都夜返，佢又要等洗衫，又吾肯等聽日洗，但我想見耐啲媽媽，因為我同媽媽感情好，嫁左有時好委屈，同奶奶住又煩，好多時都好想見多啲媽媽，既然過得去，我地都會食埋飯先走，有次我話過去住幾日，奶奶直頭罵我，黑哂面，我走望都吾望我一眼，其實過娘家無野麻煩到佢，至於平時出街，出夜左少少就實嘈，會話等我地開飯，無人幫手，但都係老公放假先一星期出一兩日，吾係日日夜返的。
3.有次我俾奶奶親戚隻狗咬到隻腳流哂血，奶奶竟然話咁小事，有無咁痛呀，但果下流緊血，到而家一年都仲有疤，傷口雖然吾大但都吾係小事，奶奶把口真係好討厭，我話要消毒佢仲話洗咩消毒，又話隻狗打哂針咩都吾怕。
4.奶奶成日點我做啲濕碎野，如果吾即刻做，佢會話你叫你做都吾做，少少野都做吾到，有屁用咩，咁懶，總之一堆難聽說話說出口，有時係真係轉個頭就忘記左，我都吾想，而且有時係我整緊bb啲野，吾可以即刻做到所以先無去做，佢見你無即刻做就話我，所以壓力超大，又同啲親戚講話我懶，所以我係呢個家係超辛苦，煮野限制我，就算俾我整野俾bb食都只可以係蒸，我炒都話我，話我整咁多做咩，又會睇下我咩整，整亂左個廚房馬上話我，咁你都要俾啲時間我去執，岩岩煮完就話我整到廚房亂，我又吾係吾執，只係未執好，每次我用完廚房必定整乾淨俾佢的。出街限制我，叫我吾好去呢度果度，如果果日去得遠又吾鐘意，叫我落樓下同bb玩算啦，放電樓下都得，永遠佢只求方便，因為佢為人性急又燥底，做家務又急，你吾即刻做就係錯。
5.會入我房話我多野，又搞我啲野，會打開我個袋睇我啲野，護膚品話多，鞋得幾對又話多，成日叫我清左啲野，買俾bb食既野又話多，佢自己買既野放哂屋企就無問題，我買既就一定有問題。
＃我的極品四大長老
Search